Skip to content

فتاة ذات شعر مجعد تستمتع بالمثلجات

اعمليها بنفسك: سبراي حماية الشعر من الحرارة

خطوة مهمة قبل ما تستخدمي الحرارة علي شعرك

 

مش هاقولك الادوات دي بتيئذي شعرك لاني عارفة ان مش هنقدر نستغني عنها، بس في حاجة بسيطة جدا ممكن نعملها نقدر نحمي بيها شعرنا من الحرارة ومنحسش بالذنب واحنا بنعمله بالسيشوار.

الحل ان نعمل في البيت بمكونات سهلة سبراي حماية الشعر من الحرارة.  ايوه.. هي دي.. الازازة الصغيرة اللي بفلوس كتير وتحسي انها رفاهية.  هنعمل كمية كبيرة ومش هتكلف كتير و اوعدك هيبقي منتجك المفضل اللي مش بس هيحمي شعرك، كمان هيديله لمعه وريحة حلوة طول الوقت.

  • هندور علي ازازة بخاخ كبيرة ونغسلها كويس
  • نضيف كوباية ميه… لو من فلتر يبقي افضل
  • معلقه كبيرة زيت جوز هند (تكون سايحة مش متجمدة)
  • ٥ نقط زيت لوز

و اخيرا ضيفي ٢ ملاعق كبيرة من ملطف الشعر من صن سيلك اللي هيضيف حماية وريحة رائعة للخليط.  ملطف الشعر من صن سيلك في مادة الديمثيكون او السيليكون اللي هتكون طبقه علي الشعر تحميها من الحرارة.

قبل كل استخدام رجي الازازة جامد عشان الزيت يختلط مع الميه و ماتقلقيش لو كان في رغوة في الخليط.  

رشي الخليط عل الشعر المبلل وقبل استخدام اي حرارة علي الشعر و حتي ممكن تستعمليه من وقت للتاني كملطف للشعر او للتحكم في الهيشان من الرطوبة او حتي عشان تضيفي ريحة حلوة لشعرك وتغذية بحاجة مفيدة في نفس الوقت.

ابحثي كذلك عن

( 5 )

انضمي إلى المحادثة